😊ক’ৰোনা বনাম অনাহাৰ

সমগ্ৰ ভাৰতবৰ্ষ স্তব্ধ,সকলো গৃহবন্দী ৷ প্ৰকৃতি ও নিজান নিস্তব্ধ৷নাই কোনো কোলাহল মৌনতা কেৱল মৌন চাৰিওদিশ৷ যেন আজি সকলোৱে বিশ্ৰাম কৰিছে৷ কাৰণ আমি জীয়াই থাকিব লাগিব৷ মৃত্যুৰ ভয়ত সকলো ত্ৰস্তমান! কোনে জানে মহামাৰী Covid-19ৰ ভাইৰাছে কাক কেতিয়া আক্ৰমণ কৰে? মৃত্যুৰ দূতৰূপি এই মহামাৰী বাবে সমগ্ৰ দেশত ৪০ দিনীয়া Lockdown চলি আছে৷

দেশৰ অৰ্থ ব্যৱস্থাক লৈ সকলো চিন্তিত৷ সাধাৰণ ৰাইজৰ পৰা আৰম্ভ কৰি বিশিষ্ট অৰ্থনীতিবিদৰ লৈকে সকলোৱে এটাই কথা সাম্ভাৱ্য অভাৱ অনাটন আৰু দুৰ্বিষহ জীৱন৷ অনাকাংক্ষিত এই বিপদত এটাই মাথোঁ চিন্তা অনাহাৰে যাতে কোনো মানুহে মৃত্যুক সাৱটি লবলগীয়া নহয়৷ যদি তেনে হয় আমাৰ এই আওপুৰণি ঘূনে ধৰা সাংবিধানিক ব্যৱস্থাৰ অৱসান সময় সমাগত৷ কাৰণ যি ব্যৱস্থাই এখন দেশৰ জনসাধাৰণক স্বাধীনতাৰ সোৱাদ টো বাদে এসাজ অন্নৰ যোগান ধৰিব নোৱাৰে৷

তথাপি আমি আশাবাদী কোনো লোক অনাহাৰে নাথাকক৷ কাৰোৰে সংস্থাপন হেৰুৱাই সংস্থাপন হীন নহওক৷ চৰকাখনে সামগ্ৰিক সকাহ কথা চিন্তা নকৰি সুপৰিকল্পিত কৰ্মমূখী তথা উৎপাদনশীল আচঁনি প্ৰস্তুত কৰি দেশৰ মানৱ সম্পদটোক মৰ্য্যদা সহকাৰে ব্যস্ত কৰি তোলক৷ শেষ হওক সকলো শোষণ বঞ্চনা আৰু প্ৰতাৰণা খেল৷ শ্ৰমিকে ন্যায্য অধিকাৰ পাওঁক, কৃষকে ফচলৰ উচিত মূল্য পাওঁক৷ চৰকাৰী উদ্যোগৰ জয় জয় মই মই হওক৷ দেশখন উন্নয়নশীল ৰাষ্ট্ৰৰপৰা উন্নত ৰাষ্ট্ৰ হওক৷ ক’ৰোনা নিপাত জাওক৷ সকলো আগৰদৰে স্বাভাৱিক হওক৷