আমাৰ আশা আৰু সকলো জনতাৰ ভৰসা হ’ল নিজৰ চৰকাৰ তথা প্ৰসাসন৷

আমি সকলো জনসাধাৰণে অধীৰ আগ্ৰহেৰে বাট চোৱা চৰকাৰখন আমাৰ নিজৰ সপোন হৈ পৰে৷ যেন চৰকাখনে আমাৰ সকলো আশা ভৰসা আৰু সমস্যাৰ অন্ত পেলাব৷ সেয়েহে প্ৰতিজন দ্বায়িত্বশীল আৰু শিক্ষিত নাগৰিকে এখন সুস্থ আৰু প্ৰগতিশীল চৰকাৰ বিচাৰে৷ মানুহে মানুহ হিচাপে জীয়াই থাকিব লৈ যিদৰে এখন সুন্দৰ হৃদয় তথা সুস্থ মন প্ৰয়োজন৷ ঠিক তেনেদৰে এখন দেশ তথা ৰাজ্যৰ শান্তি,সম্প্ৰীতি আৰু প্ৰগতিৰ কাৰণে সুন্দৰ,সবল,সুস্থ চৰকাৰ তথা প্ৰশাসনৰ প্ৰয়োজন৷।

নিৰ্বাচনৰ সময়ত সকলো দলে আমাক আশা দি আমাৰ মন মগজুত সপোন সৃষ্টি কৰে৷ আশাৰ ৰেঙনি মাজত কৌশলী ভাৱে বিভেদ আৰু সাম্প্ৰদায়িক বিষবাষ্প ও সিঁচি দিয়ে৷ কিন্তু আমাৰ মাজৰ বহু সহজ সৰল জনসাধাৰণে এইবোৰ নুবুজে৷ কাৰণ তেওঁলোকে নিজৰ সপোনক লৈ ব্যস্ত৷ আৰু তাৰ সুযোগ গ্ৰহণ কৰে আমাৰ মাজৰ এচাম ধুৰন্ধৰ ৰাজনৈতিক নেতাই৷ সচাকৈয়ে আজি প্ৰকৃতি জননেতা অভাৱ আৰু থাকিলে ও তেওঁলোকক পোতাশাল লৈ নিক্ষেপ কৰে৷ তাৰ জ্বলন্ত উদাহৰণ কৃষক নেতা অখিল গগৈকে প্ৰমুখ্যে কৰি ধৰ্য্য কোঁৱৰ, বিতু সোনকালে আৰু মানস কোঁৱৰ৷ আজিও তেওঁলোক বন্দী কাৰণ এটাই চৰকাৰ অসহিষ্ণু, অধৰ্য্য আৰু আক্ৰোশমূলক৷ এয়া জানো সুস্থ গণতন্ত্ৰৰ পৰিচয়৷ আমি সাধাৰণ জনগণে নুবজো চৰকাৰ কূটিল ৰাজনীতি বুজোঁ মাথোঁ কেৱল শান্তি ,প্ৰগতি আৰু নিজৰ ৰাজ্য আৰু দেশৰ উন্নতি৷ এই কথাবোৰ আমি কৃষক নেতা অখিল গগৈ কথাৰ মাজত বিচাৰি পাওঁ৷ সেয়েহে তেওঁ আজিও জনতাৰ হৃদয়ত৷ নিজৰ জন্মভূমিক অকৃত্ৰিম ভাল পোৱাতো কেতিয়াও অপৰাধ নহয়৷ কিন্তু তেওঁক আমাৰ চৰকাৰ প্ৰশাসনে আজি কাৰাদণ্ডৰে দণ্ডিত কৰিছে৷ সেয়েহে জনসাধাৰণৰ বিব্ৰত৷

সকলো জনসাধাৰণে বৰ আগ্ৰহেৰে বাট চাই আছে আমাৰ চৰকাৰখনৰ সুমতি ঘূৰি আহক৷ চৰকাৰ প্ৰশাসনৰ সুস্থ আৰু সুন্দৰ হওক, সংযমী হওক, সহিষ্ণুতা হওক আৰু কাৰাবন্দী সকলক মুক্তি দি বীৰতাৰে সমস্যা সমাধানৰ পথ প্ৰসস্ত কৰক৷ কাৰণ চৰকাৰখন আমাৰ আৰু চৰকাৰে আমাৰ শেষ ভৰষা৷ আৰু কাৰাবন্দী নেতা সকল ও আমাৰ মাজৰ এক আৰু অন্যতম৷ “জয় আই অসম”